Hemserekê verênî yê HDPyî Selahattîn Demîrtaşî rê bi îdîaya ke Serekkomar Erdoganî rê heqaret kerdo cezaya zîndanî ya 3 serran û 6 mengan dîyabî. Mehkemeya Cezaya Eslî ya Bakirkoyî sebebê bira ceza eşkera kerdî.

Sebebê bira ceza de ame vatene ke eke babete Erdogan biba fikrê sîyasî sûc ê û azadîyî zî mutlaq nîya.

Bire de wina ame vatene: ''Xora ganî azadîya îfadeyê fikran ê sîyasîyan ê wekîlan binê garantî de biba. La azadîya nîqaşê sîyasî mutlaq nîya. Nê semedî ra çalakîyê sûcî daxîlê zirxê destpanêdayîşî nîyê. Erdogan sereyê dewlete û temsîlkarê yewîya şarî yo. Heqaretê vera Erdoganî heqaretê vera dewlete yo.''