Hemvervatoxanê Komîsyonê Huqûqî yê DEM Partî Ozturk Turkdoganî û Sevda Çelîk Ozbîngol derheqê roniştişê sibayînî yê Dewaya Kobanê de merkezê DEM PArtî de kombîyayîşê çapemenîye kerd. Avûkatê dewa zî tewrê kombîyayîşî bîyî.

Sevda kombîyayîş de ard ziwan ke îqtîdar xîret keno ke na dewa ser o komelî dîzayn bikero û vat: ''Ma venga pêro kesan da ke siba bêrê Kampusê Sîncanî  û tewrê roniştişî bê.''

Hemserekê HDPyî Cahît Kirkazakî îfade kerd ke her kes zaneno ke na dewa dafikêka îqtîdarê AKP-MHPyî vat û vat: ''Siba bêrê, ma pîya wayîrê xoverdayîşê Kobanê vehîyê. Ma venga pêro rayaumûmîye û rêxistinanê komelê sivîlî danê ke paştî bidê sîyasetmedaran.''

Hemvervatoxê Komîsyonê Huqûqî yê DEM Partî Ozturk Turkdoganî da zanayene ke mehkeme înan rê vato ke siba qerar do nêro eşkerakerdene û seba qerarî hema mehkeme rê wext lazim o. Turkdoganî vat: ''Siba Dewaya Kobanê de cigêrayîşê tepiştişî do bêro kerdene. Seke qerar vejîyo ma do uca de bibê. Ma venga pêro dostanê xo, şarê xo, rayaumûmîye ûsn. danê ke siba saete 10.00 de verê Salona Roniştişî ya Kampusê Zîndanê Sîncanî de ma bêrê yewca. Ma wina pawenê ke embazê ma yê ke bi hawayêkê bêhuqûqîyî tepişîyenê do vera bidîyê.''