Vervatoxa Meclîsê Cinîyan ê Partîya Çep a Keske Canane Çalagan Merkezê Pêroyî yê HDPyî de derheqê Dewaya Kobanê de kombîyayîşê çapemenîye kerd. 

Çalagane qiseykerdişanê xo de nê noqtayan ser de vinderte:

''Dewaya Kobanê dewayêka viraşte ya. Na dewa de teyna 108 embazê ma ney îradeyê pêro cinîyan zî yeno muhakemekerdene ke nê cinîyan vera DAÎŞî Kobanê de şer kerd. Rojawan de serkêşîya cinîyan de cuyêka newîye ameye awankerdene. Na dewa de yeno waştene ke destkewteyê kurdan û cinîyan bêrê muhakemekerdene. Îdîanameyê na dewa zî dişmenîya cinîyan ser o ameyo amadekerdene.

Ma ancî anê ziwan ke ma do qetî têkoşînê azadîye û paştdayîşê cinîyan ra fek vera nêdê. Îradeyê embazanê ke Dewaya Kobanê ra tepişte yê, rayîrê ma keno roşnî. Seba ke ma paştî bidê nê embazanê xo, vengê serewedaritişê xo berz bikerê û wayîrê înan vejîyê venga her kesî danê ke Kampusê Zîndanê Sîncanî de tewrê roniştişanê Dewaya Kobanê bibê.''