Narîne Guran taxa Çulî ya qezaya Rezanî ya Amedî de dîyabî vinîkerdene û 8ê êlule de cenazaya ci amebî dîyene. Dewaya vera qetilkerdişê Narîne Guran vizêr ameye kerdene.

Xeylê kesî beşdarê roniştişê dewa bîyî. 

Roniştiş de dadîya Narîne Yuksele Guran, apê aye Salîm, birayê ci yo pîl Enes Guran û cîranê keyeyê aye Nevzat Bahtîyar ''kiştişê qestî'' ra ameyêne muhakemekerdene. 

Yuksele Guran dewa de vat: ''Mi kênaya xo nêkişte.''

Nevzat Bahtiyarî vat: ''Mi Narîne nêkişte. Salîm Guranî cenaza daye mi, mi zî a berde.''

Enes Guranî vat: ''Ez sûcanê ke yenê vatene qebul nêkena.''

Salim Guranî vat: ''Mi qetî zerar nêda Narîne. Ez bêgune ya.''

Heyetê mehkeme yê dewaya vera qetilkerdişê Narîne Guran de bire daye. Mehkeme cezaya muebedeya girankerde daye Yuksele, Enes û Salîm Guran û cezaya zîndanî ya 4 serran û 6 mengan zî daye Nevzate Bahtîyarî.