Rojnameyê Ozgur Gundemî bi KHKyan amebi qefilnayene û derheqê îdarekar û nuştoxanê ci Huseyîn Aykol, Ayşe Batumlu Kaya, Eren Keskîn û Reyhan Çapan de bi îdîayanê ''xeberê ke çalakîyanê şîdetî meşrû kerdî weşanayî'', ''propandaya rêxistine kerda'' û ''seba sûcan tehrîk kerdo'' dewa amebî akerdene.

Roniştişî qerarî yê dewa Mehmemeya Cezaya Girane ya Edlîyeya Îstanbulî de ame kerdene. Avûkatî Ozcan Kiliç û Sercan Korkmaz tewrê roniştişî bîyî.

Dozgerî mutalaya xo ya ceza dibare kerde.Mehkeme bire daye ke ''endamîya rêxistine'' ra cezaya zîndanî ya 6 serran û hîrê mengan bêra dayene Erene Keskîn la bire eşkera nêkerde.

Mehkeme Mudira Karanê Nuşteyan Reyhane Çapan rê  û Mudirê Weşanan Huseyîn Aykolî rê cezaya zîndanî ya 4 serran û 4 mengan û 15 rojan û nuştoxe Ayşe Batumlu rê cezaya serrêke û 21 mengan û 2 rojan daye.