Dewaya Ozgur Gundemî de wayîrê rojnameyî Kamel Sancili, Mudirê Karanê Nuşteyî Înan Kizilkaya, Edîtora Weşanê Pêroyî Erene Keskîn û Zana Kayayî rê bi temamî 21 serran cezaya zîndanî dîyaye.
Roniştişo 4. yê dewaya Ozgur Gundemî Mehkemeya Cezaya Girane ya Îstanbulî de ame kerdene. Hemsereka ÎHDyî Erene Keskîna ke o çax Edîtora Weşanê Pêroyî bîye, wayîrê rojnameyî Kamel Sancili, Mudirê Karanê Nuşteyî Înan Kizilkaya, Edîtorê Weşaneyî Zana Kaya dewa de îdîaya 'xerakerdişê yewîya dewlete', 'endamîya rêxistine', 'propagandaya rêxistine' ra ameyêne hukmkerdene. Sancili û Kaya tewrê roniştişî nêbîyî.
Keskîne û Kizilkaya pawitişê xo kerd. Mehkeme îdîaya 'endamîya rêxistine' ra Sancili, Kizilkaya û Keskîne rê cezaya zîndanî ya 6 serran û 3 mengan daye û îdîaya 'propagandaya rêxistine' r zî Kayayî rê cezaya zîndanî ya serrêke û 13 mengan daye.
