Roniştişê dewaya Fîgene Yuksekdag Mehkemeya Cezaya Girane ya Anqara de ameye kerdene ke dewa de derheqê ci de 30 serran ra heta 83 serran cezaya zîndanî yena waştene.

Roniştiş de avûkatî amade bîyî. Heyetê mehkeme waştişê veradayîşî red kerd û dosyaya dewaya Yuksekdage dosyaya dewaya Kobanê de kerde yew. Heyetî sey sebebî ard ziwan ke mabênê Yuksekdage û dewaya Kobanê de têkilîye esta.

Yuksekdage pê îdîayanê 'rayberîya rêxistine terorî, propagandaya rêxistine, muxalefetê vera qanûnê çalakîyan, qijkerdişê dewlete' ûsn yena hukmkerdene.