Dewlete mexdûranê erdlerzî bi zorî dana koçkerdene

Dewleta tirke mexdûranê erdlerzo ke menga sibate de qezaya Elbaqî ya Wanî de qewimîya, bi zorî dana koçkerdene.

23ê sibate de merkezê ci şaristanê Xoyî yê Rojhelatê Kurdîstanî bi şîdetê 5,9î erd lerzîya. Qezaya Elbaqî ya Wanî de çar dewan de 10 kesî merdî. Mexdûrê erdlerzî dima prosesê Korona de zî têna ameyî veradayene. 

Selahîyetdaranê dewlete hem qebul nêkerd ke hemwelatîyî keyeyanê xo bi sereyê xo virazê hem zî wazenê keyeyanê bînan zî birijnê. Hemwelatîyî nêwazenê ke keyeyê înan birîjîyê û seba zimistanî qerqilîyenê. Hemwelatîyî vera bira TOKÎyî vejîyayî. Selahîyetdaranê dewlete zî waşt ke hemwelatîyî şorê Wanî, hetê merdimanê xo de bimanê. 

Hemwelatîyan hewteyê vîyarteyî muracatê qeymeqamîye kerd. Eşkera bi ke bêxebere hemwelatîyî sey 'endamê AKP'yî ameyî qeydkerdene. 

Hemwelatîyan vat: ''Ma do dewanê xo ra fek vera nêdê. No ca cayê babî û pîrikanê ma yo. Ma TOKîyan nêwazenê. Keyeyê ma estê. Ma wazenê keyeyanê xo virazê.''

Derheqê babete de Hemserekê HDPyî yê Wanî Okkeş Kavayî vat: ''Dewlete wazena mexdûrîyetê înan bivurna firsend û herême bikera veng.''