DEM Partî weçînayîşanê 31ê adare de qezaya Geverî ya Colemêrgî de se ra 80ê rayî girewtbî. Hemşaredarê Geverî Şoreş Dîrîyî ANFyî rê qisey kerd û qalê kerdişanê qeyûman kerd.

Dîrîyî ard ziwan ke qeyûman Şaredarîya Geverî binê deynan de verdaya û vat: ''Weçînayîşan ra verî zî asayêne ke AKP do bin bikewo. Ma temamîya endamanê Meclîsê Şaredarîye viste destî û bi hûmara rekorî ser kewtî. Şarê Geverî îradeyê xo sindoqan de eşkera kerd. Ma do bibê layîqê şarê xo. Ma do xesarê qeyûman pakî bikerê.

Nika goreyê cigêrayîşanê ma qeyûman Şaredarîya Geverî binê deynê 988 mîlyon lîra de verdaya. La rixmê ney zî qeyûman qetî xizmetê şarî nêkerdo. Binawanîya qeza de xeylêk meseleyî est ê, rayîrî ganî biameyêne asfaltkerdene. Ma do nê meseleyanê pêroyînan çareser bikerê. Hîrê hetkarê qeyûmî est bîyê ke ma erkê înan betal kerdî. Ma do seba cinî û ciwanan xebatanê kultur û hunerî bikerê.''