Federasyonê Elewî Bektdaşî (ABF), Federasyonê Komeleyanê Elewiyan (ADFE), Komeleyê Kulturî yê Pîr Sultan Abdalî  (PSKAD) zî tede xeylêk dezgehanê elewîyan destbendkerdişê Serekê Pêroyî yê PSAKDyî  Cuma Erçe û temsîlkaranê dezgehanê elewîyan protesto kerd.

Eşkerayîya hempare ya dezgehan Şişli de ameye dayene. Wekîlê Partîya Çep a Keske ya Îstanbulî Celal Firat  û xeylêk temsîlkarê dezgehan tewrê çalakîye bîyî.

Eşkerayîye heta Cuma Erçeyî ra ameye wendene ke vizêr amebi destbendkerdene. Erçeyî vîst vîrî ke şîdet û zextê îqtîdarî yê vera şaran her roje zêdîyeno û vat: “Polîsan bi kelemçeyanê peykîyan ez û îdarekarê dezgehanê elewîyan destbend kerdî. Ganî berpirsîyarî verê hukmî de hesab bidê. Ganî dozgerî û heme berpirsîyarê eleqedarî cade xebetanê ke hewce kenê bidê destpêkerdene. Îqtîdar keno ke heme komelî bitersî bîgêro binê kontrolê xo.Wa biewnê tarîxê ma ra, ma dezgehê elewîyan vera caardişanê faşîstan do çirey peyser game meerzê. Ma vanê kam ke vera neheqîye bêveng bimano şeytano bêziwan o. Ma temsîlkarê tewirê Huseynkî yê ke vera zaliman milê xo çewt nêkerd.”