16 dezgehanê ziwanê kurdkî vera dersa vîjnayeye ya kurdkî eşkerayîya hempare daye û nê vatî:

''Vera ziwanê kurdkî çînhesibnayîş, qedexe, asîmîlasyon, hêriş û zextê zafhetinî dewam kenê. Kurdî, ziwanê kurdkî û Kurdîstan bêstatu yenê verdayene.  Ma nê zaf hole zanê ke şaro bêstatu mîyanê zemanî de binate ra yeno wedaritene. Na rewşe hetê Tirkîya ra vera kurdan pê metodanê cîya cîyayan yena caardene. Binê nameyê 'dersa vîjnayîye' de yeno astengkerdene ke kurdkî bibo ziwanê perwerde û musnayîşî û bibo ziwano fermî. Polîtîkaya asîmîlasyonî ya vera kurdkî niminenî û wazenê bi na babete kurdan biverdê pê. Hetê bînî ra vera ma kurdan û ercanê kurdan çar hetan ra bêmabên hêrişanê giranan  û qirkerdişan kenê. Dewleta tirke ganî polîtîkaya xapînayîşe ra dûrî vindero. Na bingeyî de ganî ziwanê kurdkî bireso statuyê fermîyî û verê mektebî ra heta unîversîte her merhale de bibo ziwanê perwerdeyî. Kurdî ganî bingeyê heqîqet û ercanê xo de perwerdeyê kurdkî bivînê û no statu Qanûnê Bingeyî û warê mîyanneteweyîyî de bigêrîyo binê garantî.''

Dezgehê ke morê ci binê eşkerayîye de est o wina yê: ''Kovara Destarî, Komeleya Cigêrayîşanê Kultur û Ziwanî yê Mezopotamya, Komeleya Cigêrayîşê Kulturan û Ziwanî yê Arî, Komeleya Cigêrayîşê Kulturan û Ziwanî yê Arsisa, Komeleya Cigêrayîşê Kulturan û Ziwanî yê Botanî, Komeleya Cigêrayîşê Kulturan û Ziwanî yê Avesta, Komeleya Cigêrayîşê Kulturan û Ziwanî yê Feradî, Komeleya Cigêrayîşê Kulturan û Ziwanî yê Birca Belek, Komeleya Cigêrayîşê Kulturan û Ziwanî yê Anka, Komeleya Edebîyatkaranê Kurdan, Enstituya Kurdan a Îstanbulî, Enstituya Kurdan a Amedî, Enstituya Kurdan a Stockholmî, Enstituya Kurdan a Brukselî, Enstituya Kurdan a Almanya, Enstituya Kurdan a Swîsre.''