Koyanê Gabar û Cûdîyî de û herêma Besta, Qaşûran û Elkê yê Şirnexî de birnayîşê daran û talanê xoza dewam kenê. Herême de tewr tay 3 hezar darî birîyenê û bi teqnayîşê dînamîtan yena wêrankerdene. Koyê Gabarî de her roje dewlete wesfanê xo dana la hetê bînî ra herême xera kena.

Prosesê çinkerdişê xoza 3 serran de herême wêran keno. Koyê Gabarî yo ke bi serran o her menge yeno qedexekerdene, bi bahaneya 'qedexeyî' dekewtiş û vejîyayîşê sivîlan yenê astengkerdene.

Dîmenê neweyî herêma Bîyavê ya Gabarî de ameyê qeydkerdene. Dîmenan de aseno ke darê seserrî birîyenê, bi desan kamyonî nê daran bar kenê û benê.