Komeleya Dîcle û Firatî ya Rojnamegeran (DFG) bi eşkerayîyêke raporê xo yê menga sibate eşkera kerd.

DFGyî pare kerd ke sibate seba rojnamegeran mengêka tarî bîye, tedayê vera rojnamegeran dewam kenê û rojnamegerî her roje maruzê hêriş, gef û îşkenceyî manenê. DFGyî vat: ''Îqtîdar kamyew xebere ra ecîz bo rojnamegerê ci destbend keno, tepişneno, vera ci tehqîqatan akeno. Menga sibate de 72 rojnamegerî 36 dosyayan ra ameyî hukmkerdene. Rojnamegerî tim yenê hedefkerdene. Ma wazenê wa pêro rojnamegerî cade vera bidîyê.

DFGyî da zanayene ke sibate de 6 rojnamegerî ameyî destbendkerdene, rojnamegerêk tepişîya, 2 rojnamegerî maruzê hêrişî bîyî, 8 rojnamegeran rê têgêrayîşê xirabî ameyî kerdene, 2 rojnamegerî maruzê gefan mendî, 2 rojnamegerî asteng bîyî, derheqê 4 rojnamegeran de 11 dewayî ameyî akerdene û înan rê bi temamî cezaya 26 serran dîyaye, 174 xebere û sîteyî ameyî qedexekerdene û hema zî qasê 85 rojnamegerî tepişte yê.