Komeleya Rojnamegeran a Dîcle Firatî (DFG) raporê binpaykerdişê heqanê merdiman ê rojnamegeran ê menga tebaxe eşkera kerd.

Goreyê raporî menga hezîrane de 3 rojnamegerî ameyî destbendkerdene, 2 rojnamegerî ameyî tepiştene, 8 rojnamegerî raştê hêrişî ameyî, 2 rojnamegerî rê îşkence û muameleyo xirab ame kerdene, 1 rojnameger/e ame/ye tehdîtkerdene ke ajanîye bikero, 2 qewimîyayîşan de taqîpkerdişê xebere ame astengkerdene, derheqê 3 rojnamegeran de tehqîqat dîya destpêkerdene, derheqê 3 rojnamegeran de zî dewa ameye akerdene, 5 rojnamegerî yenê hukmkerdene, 7 cezayê RTUKî ameyî dayene, 97 xeberî û 2 sîteyê înternetî ameyî astengkerdene,  (4ê êlula 2020î ra nata) 95 rojnamegerî tepişte yê.

Rapor de wina ame vatene: ''Ma tîya ra reyna veng danê rojnamegerîye semedê dezgehêk nê semedê komelî yena kerdene. Rojnamegerî ajan nê kedkarê ke raştîye biresnê şarî. Ganî hêrişê vera rojnamegeran cade bêro vindarnayene. Cayê rojnamegeran zîndan nê kuçe û meydan ê ke  tede xeberî estê.''