Goreyê xebera Ajansê Mezopotamya (MA) reyna cezayê pêvînayîşî dîyayî Rayberê Şarê Kurdî Abdullah Ocalanî ke Îmrali de binê tecrîdê giranî de yeno tepiştene.

Avûkatanê Buroyê Asrinî 22ê teşrîna peyênê de seba ke cade muwekîlanê xo Rayberê Şarê Kurdî Ocalanî û tepişteyanê bînan ê Îmraliyî Omer Hayrî Konar, Hamîlî Yildirim û Veysî Aktaşî pêvînayîş bikerê muracatê Dadgerîya Înfazî ya Bursa kerd. Avûkan ard ziwan ke ê 8 mengî yo Abdullah Ocalan û tepişteyanê bînan ra xebere nêgenê û semedê weşîya înan qesawet kenê. Avûkan heqê tepişteyan ê huqûqî zî ardî vîrî û waşt cadê înan dir pêvînayîş bikerê. Muracatê avûkatan ame redkerdene û ame vatene ke derheqê Abdullah Ocalanî de di qerarê qedexeyê pêvînayîşî estê. Dadgerîya Înfazî ya Bursa vat 12ê teşrîna verêne de cezaya dîsîplînî ya 6 mengan dîyaya Abdullah Ocalanî coka nêeşkeno pêvînayîş bikero. Dadgerîye cewabê muracatê keyeyî de zî vat Serekîya Heyetê Dîsîplînî ya Mudirîya Dezgehê Ceza Înfazî yê Îmraliyî 18ê tebaxe de cezaya pêvînayîşê merdiman a 3 mengan daya. Dadgerîye vat seba ke cezaya qedexeyê pêvînayîşî yê 6 mengan seba avûkatan û 3 mengan zî seba merdimanê tepişteyan esta ê muracatê pêvînayîşî red kenê.