Hemserekê DEM Partî yê Wanî Veysî Dîlekçîyî ard ziwan ke Îmrali de mîyanê hîrê mengan de hîrê pêvînayîşî ameyê kerdene la tecrîd dewam keno. Dîlekçîyî vat ke na rewşe bena sebeb ke prosesî ser o şikî do virazîyê.
Hemserekê DEM Partî yê Wanî Veysî Dîlekçîyî derheqê pêvînayîşanê bi Rayber Apoyî de ajansê ma rê qisey kerd.
Dîlekçîyî da zanayene ke Tirkîya şexsê Rayber Apoyî de qedexeyê pêvînayîşê bi keye û avûkatan ana ca û vat: ''Îmrali de mîyanê hîrê mengan de hîrê pêvînayîşî ameyê kerdene la tecrîd dewam keno. Birêz Ocalan nêeşkeno keye û avûkatanê xo de pêvînayîş bikero. Heta ke berê Îmraliyî padaye bibê ma nêeşkenê qalê çareserîye û prosesêkî bikerê.
Ganî astengîyê verê pêvînayîşan bêrê wedaritene. Ganî seba ney qanûnî bêrê caardene. Seba çareserîye ganî dewlete gamanê hewceyan bierza. Hem qalê prosesî yeno kerdene hem zî tecrîd dewam keno û hêrişî yenê kerdene. Na rewşe bena sebeb ke prosesî ser o şikî do virazîyê. Seba ke proseso raşt bêrı caardene ganî Birêz Ocalan bieşko keye û avûkatanê xo bivîno. Ma hêvîdar ê ke şert û mercî bivurîyê û zemînêkê bawerîye bêro awankerdene.''
