2019 de vera tecrîdê serê Rayberê Şarê Kurdî Abdullah Ocalanî grevê vêşanîye dîyabi destpêkerdene û dima grev vurîyabi rojeyê mergî. Zîndanê Gebze de 23yê adara 2019î de Aytene Behçet vera tecrîdî çalakîya fedayîye kerdnî.

Aytene serrgêra şehadetê xo de emser taxa Guzelvadî ya Dîlokî de ameye yadkerdene. Seba ke merasîmê yadkerdişî de sloganî vatî diyê ci domanî panc kesî ameybî destbendkerdene.

Nînan ra domanê 16-17 serrî K.O. û B.A. û ciwanê bi nameyê Ramazan Altintaşî seba ke tewrê yadkerdişê şehadetê Aytene Behçet bîyê ameyî tepiştene.