Endama Komîteya Merkezî ya PKKyî Dilzare Dîlok ANFyî rê Komployê 9ê Teşrîna Verêne, tecrîdê vera Rayberê Şarê Kurdî Abdullah Ocalanî û sîstemê Îmraliyî ercnayî.

Qiseykerdişê Dîlzare Dîlok ra tay noqtayê girîngî wina yê:

''Komployê vera Rayberîye bi tecrîdê mutleqî dewam keno. No yew çemberê qirkerdişî yo. Seba ke Rayberîye binê esaretî de ya, Tirkîya de yew dişmenîya şarî est a û krîzê ekonomîk-kulturelî est ê. Vera tecrîdî heyf ke têkoşînêko qîm nêno kerdene. Çunke dewleta tirke têkoşînê kurdan binê nameyê 'terorîzmî' de krîmînalîze kena. Îqtîdar seba ke tecrîdî nêwedarno vera şarî zulm û teda keno. Çunke zaneno ke eke Rayber Apo qisey bikero şar do nefes bigêro, rehet bibo û azad bibo. Heta ke tecrîd nêro şiknayene û Rayber Apo qisey nêkero mumkîn nîyo ke çew bi azadî têbigêro. Coka sazadîya Rayber Apoyî ganî biba rojdemo verên.

Komployê vera Rayberîye qesasê hêzanê kapîtalîstan bi. Komployê 9ê Teşrîna Verêne ya 1998î 25 serrî xo pey de verdayî. 25ê adara 2021î ra nata zî Rayberîye ra xeberêke zî nêna girewtene. Dinya ser de yew nimûneya bîne ya tecrîdê Îmraliyî çin a. Îmrali de huqûq ney qirkerdiş est o. Şexsê Rayber Apoyî de şarê kurdî yeno qirkerdene. Tecrîdo mutleq bêguman yew metodê îşkenceyî yo. No tecrîd kurdan bi taybetî cinîyan zaf dejneno. La xoverdayîşê Îmraliyî hêzêko pîl zî da cinîyan. 

Cinîyan ê kurdan bi hêzê xoverdayîşê Îmraliyî yê Rayber Apoyî serranê peyênan de gamê pîlî eştî. Cinîyan felsefeya 'jin, jiyan, azadî' pêro dinya rê vila kerde û hêvîya azadîye pîl kerde. Reyna gerîlayê cinîyî seba azadîya Rayber Apoyî koyan de têkoşînî rê dewam kenê. 

Hêrişê vera Zap, Metîna û Avaşînî armanc kenê ke komployê vera Rayber Apoyî bi netîce bikerê. Heyf ke PDK zî mîyanê nê planî de cagêno. Bi nê hawayî PDKyî rolê xo yê komployî zî eşkera kerd. 

Rayber Apoyî Îmrali de paradîgmaya xo afernaye. Pawitişnameyê ey bîyê eserê pîlî. Rayber Apoyî pê hesna ke hînî neteweya demokratîke şert a. Ewro pêro dinya qala Rayber Apoyî kena û seba azadîya Rayber Apoyî têkoşîn kena.  La ganî seba azadîya Rayber Apoyî çalakîyê hîna pîl û girseyîy bêrê kerdene. Bi taybetî Vakurê Kurdîstanî de ganî şarê ma xo hîna zaf rêxistin bikero û serkêşîya serewedaritişan bikero.

Dişmen de pêkerdiş nêbeno. Dişmenê ma her ca de yo û her ca de kurdan keno hedef. Eke ma bi ruhê topyekûnî vera dişmenî xo ver bidê do ser bikewê. Ma bedelanê giranan zî bidê ganî xoverdayîşî ra fek vera nêdê. Bi nê hawayî ma eşkenê Rayberîya xo zî azad binê. Ganî şarê ma Ewropa de çalakîyanê bitesîran bikerê.''