Hêrişkarî verê hêrişê Merkezê Kulturê Kurdan ê Ahmet Kayayî kerd, dima ra hêrişê restorantê kurdan û eynî kuçeyî de hêrişê kuaforî kerd.

Dîmenê kameraya kuaforî de hêrişkar pîya çeka ke destê ci de ya kewno zere, hêrişê muşterîyano ke xo peynî de nimito keno. Gama ke kesêk heyetê kuaforî ra remeno ê bînî zere de hêrişkarî bêtesîr kenê û tepişenî. Dîmenan de yeno vînayene ke  kesêk pîzeyê xo ra birîndar beno.

Polîsan vatbi înan hêrişkar tepişto û selahîyatdaran zî polîsanê ke hêrişkar  “lezabez”  tepişto pîroz kerdbi. La dîmenan de yeno vînayene ke esnafî hêrişkarî tepişenî û kenê bêtesîr û  polîsî zaf erey yenê.