Dewleta Almanya 1993 de, Amerîka 1997 de û Yewîya Ewropa zî 2002 de PKK kerdbi 'lîsteya terorî.'

2014 ra nata vera nê qedexeyî têkoşînê huqûq û edaletî yeno kerdene. 31ê adara 2022yî de roniştişê dewaya têkoşînê huqûqî Dîwanê Edaletî yê Ewropa de Luksemburg de ame kerdene. Avûkatanê PKKyî ra Tamara Bruma û Marieke Van Eik dewa û serebûtê peyê dewa ANFyî rê qisey kerdî.

Bruma bale ante ser ke mehkeme dewa de zaf eleqedar a û vat: ''Ez pê razî bîya ke mehkeme bi hawayêkê rindî PKK ercna û persanê mehkeme zî bi hawayêkê pozîtîfî ez şaş kerda. Beno  ke Dîwanê Edaletî mîyanê 7 mengan de bira xo eşkera bikero. Ez wina pawena ke birêka hîra bêra girewtene. Na bire do eşkera bikera ke mehkeme senî ewnîyena qedexeyê vera PKKyî. 

Dewayê Pilinganê Xelisnayîşî yê Eelamî yê Tamilan (LTTE) û Hamasî û PKKyî de hetê argumanan ra manenê pê la mabênê nê dewayan de zaf zî cîyatîyî est ê. Mehkeme seba ke rîskê terorîzmî heqdar bivejo paştîya xo dana çalakîyanê leşkerîyan. Ez pabeyê ci ya ke mehkeme na babete de birêke bida. Mehkeke birê verênî kopî kerdî coka PKK na lîste de mendo.''

Avûkate Marieke van Eik zî ercna ke Konseya Ewropa û Komîsyonê Ewropa caardişê biranê Dîwanê Edaletî de mejbur ê yan nê. Marieke van Eik vat: ''Mehkeme 2019 de na babete de hişyar kerd û da zanayene ke birê înan ganî bêrê caardene.''