Sîyasetmedarê almanî Martin Dolzerî derheqê tecrîdê vera Rayberê Şarê Kurdî Abdullah Ocalanî de ANFyî rê qisey kerd.

Dolzerî ard ziwan ke tecrîdo ke hetê dewleta tirke ra yeno ferzkerdene binpaykerdişê heqanê merdiman û huqûqê mîyanneteweyî yo. 

Dolzerî vat: ''Erdogan nêwazeno ke meseleya kurdan bi hawayêkê haştîyaneyî çareser bikero. Seba ke çareserîya mesele bêra astengkerdene Birêz Ocalan binê tecrîdî de yo. Ganî Neteweyê Yewbîyayeyî, Ewropa, dezgehê mîyanneteweyîyî û CPT vera tecrîdî tewirêkê xurtêrî bimojnê. Ganî CPT şoro Birêz Ocalanî zîyaret bikero. Ganî NATOyo ke Tirkîya endama ci ya, teda bikera  ke Birêz Ocalanî de pêvînayîşî bêrê kerdene.''

Dolzerî bale ante Hemleya 'Abdullah Ocalanî rê Azadîye, Meseleya Kurdan rê Çareserîya Sîyasîye' ser û vat: ''Na hemle hemleyêka weş a la ganî bi naye sînordar nêba. Ganî pêro merdimî tewrê na hemle bibê û ganî hetê pratîkî ra hîna zaf gamî bêrê eştene. Heyf  ke nêrazîbîyayîşê vera tecrîdkerdişê Abdullah Ocalanî qîm nêkenê. Çalakîyêka raştikêne ganî teyna bi îmzayan yan zî bi gamanê sembolîkan nêbena. Ganî partîyê sey Die Linke, partîyê ewropa tedaya Tirkîya bikerê. Seba vurîyayîşî tedayê winayênî lazim ê.''