Înîsîyatîfê Domananê Adirî bîlançoya menga gulane eşkera kerde. Înîsîyatîfî eşkerayîya xo de bale ante hêrişanê dewleta tirke yê vera goranê şehîdan, tepiştişê hemşaredaran û sîyasetmedaranê kurdan ser û vat: ''Ma pê ziwano ke faşîzmê tirkî fam bikero cewab bidê ci, ma adirê azadîye cayê înan de vist ta. Ma cewab da polîsanê ke şaristananê Kurdîstanî vêşnenê, talan kenê, ziwan qedexe kenê û destbendkerdişê domanan sey marîfet vînenê, ma şaristananê polîsan de adirê qesasî har kerd û cewabê xo da.

Ma Efrîn û Serêkanîyê de seferê înan ê hemparî yê DAÎŞî de dî ke sebebê vîrusê tirkayetî têna dişmenîya kurdan o. Înîsîyatîfê Domananê Adirî sond wend ke hesabê nê kerdişan biperso.Êyê ke kuçeyê Kurdîstanî pê bahaneya vîrusê Korona kerdî zîndan, vîrusê Korona ra xirabêr ê. 

Azadî bê têkoşîn û bedelan nêna destvistene. Ê nêeşkîyayî ma Dêrsim, Agirî û Zîlan de biqedînê. Her ca de her hêle ma vera qirkerdiş, îşxalan, kolekerdişî adirê azadîye geş bikerê û cerganê AKP-MHPyî ra hesab bipersê. Wext wextê qesasî yo.''

Tay cayê ke ameyî vêşnayene: 14 fabrîkayî, 5 depoyê malzemeyan, 3 kargehî, 10 wesayîtî, 9 bankamatîkî, 5 kamyonî, 2 bînayî û garêkê trenî.