Muhammed Orhan (18) wexto ke AKPyî xîret kerdbi ke îradeyê Wanî xesp bikero çalakîyanê xoverdayîşî de amebi tepiştene. Muhammed Orhano ke bi fotografê xo yê hûyayîşî bîyo sembolê xoverdayîşê Wanî vizêr vera dîya. 

Orhan verê Zîndanê Wanî de hetê keyeyê xo, avûkatan û xeylêk kesan ra ame pêşwazîkerdene.

Orhanî verê zîndanî de qisey kerd û vat: ''Wextê destbendkerdiş û tepiştişî de moralê mi zaf bîyî. Çunke mi zanayêne ke ma heqdar ê. No xoverdayîş heqdar bi û ma ser kewtî. Ma seba îradeyê xo, xo ver da. Tîya ra ez her kesî rê sipas kena ke paştî daya ma.''