Bajarê Dortmundî yê Almanya de hetê ciwananê kurdan û enternasyonalîstan ra semedê azadîya Rayberê Şarê Kurdî Abdullah Ocalanî konferans ame kerdene. Fransa, Îtalya, Îngîlîstan û xeylêk welatan ra bi  desan ciwanî ameyî têhet.

Heyatê konferansî bi pankartanê vateyanê Rayberê Şarê Kurdî Abdullah Ocalanî  û fotografan ame daliqnayene. Konferans de reyna standê kitabanê Abdullah Ocalanî ame ronayene.

Konferanso ke bi şîarê ''Bi Ciwanîya Rêxistinkerdeyî ver bi Azadîya Rayberîye''  ame organîzekerdene bi rêzgirewtişî ame destpêkerdene. Dima ra Sercan Aydinî qiseykerdişê xo de bale ante serkêşîya ciwananê kurdan ser û vat ciwanî semedê azadîya fîzîkîye ya Abdullah Ocalanî hêzo dînamîk o. Aydinî vat: ''Seke yeno zanayene badê konferansî  semedê azadîya fîzîkîye ya Rayber Apoyî do rayraşîyayîşê yew hewteyî bêro kerdene. Na çarçewe de her çalakîya ke ma kenê muhîm a. Ez nika ra semedê çalakîya ma serkewtiş wazena.''

Badê qiseykerdişê Aydinî derheqê sîstemê tecrîdî yê vera Rayberê Şarê Kurdî de sînevîzyon ame mojnayene. Konferansî bi roniştanê bînan û goştarîkerdişê muzîkî dewam kerd.