Avûkatanê keyeyê Garîbe Gezeî  Şubeyê ÎHDyî yê Îstanbulî de derheqê dosyaya Gezere ya ke vera îşkence û tecawuzî ameyebî akerdene de eşekrayîye daye. Avûkatanê Gezere ra Erene Keskîn,  Jîyane Tosun, Bêrîtane Kalbişen û Veysî Eskî tewrê eşkerayîye bîyî.

Hemsereka ÎHDyî Erene Keskîn da eşnawitene ke dosyaya Gezere ya derehqê îşkence û tecawuzê sîstematîkî rê qerarê bêteqîbîye ameyo girewtene û vat: ''Dozgerî ke no qerar girewto hem hetê huqûq, hem hetê wîjdanî ra kêmayîya ci esta. Na dosya de hende kanitî estê ke nêvînayîşî ra ameyîş mumkun nîyo. Ma do vera nê qerarî îtîraz bikerê la raşta zî no qerar do tarîxê na cografya de sey  qerarê şermî ca bigêro.''

Avûkate Jîyan Tosun de heme waştişê ma ameyî redkerdene û dozgerî têna goreyê îfadeyê îdareyê zîndanî qerar girewto.

Avûkate Bêrîtane Kalbîşenî zî ard ziwan ke dimenê kamera yê derheqê îşkenceyî ameyî nimiteneû  vat ê rixmê heme cehdkerdişan nêrasayî nê dîmanan.

Avûkat Veysî Eskî zî vat badê şehadetê Gezere ê semedê cuya tepişteyanê bînan ê cinîyan qesawet kenê.