Bajarê Dusseldorfî yê Almanya de serkêşîya Têgêrayîşê Cinîyan ê Kurdan ê Ewropa (TJK-E) û Kongreya Komelê Demokratîkî ya Kurdîstanijanê Ewropa (KCDK-E)  de bi şîarê ''Vera hêrişê dewleta tirke û şuxulnayîşê çekanê kîyewîyan Kurdîstanî Bipawê'' rayraşîyayîş yeno kerdene.

Kurdîstanijê ke saetanê serê sibayî de meydanê Kirscheplatzî de ameyî têhet bi slogananê "Bijî Serok Apo", "Bijî Berxwedana Gerîla", "Bijî PKK", "Bimre Îxanet"  ver bi cayê kombîyayîşî Graf-Adolf-Platzî rayra şîyî. Heta wextê destpêkerdişê rayraşîyayîşî cinîyan û ciwanan govende girewte û xoverdayîşê gerîlayan selam kerd.

Bado ke bi hezaran kesî ameyî pêser rayraşîyayîş bi Marşê Ey Reqîpî dest pêkerd. Badê rayraşîyayîşî do Rheinpark de mîtîng bêro kerdene. Çar leteyanê Kurdîstanî û welatanê cîya cîyayan ê dinya ra temsîlkarê partîyanê sîyasîyan û heqanê merdiman, ekolojîstî, temsîlkarê têgêrayîşê cinîyan zî sey qiseykerdoxan do mîtîng de cayê xo bîgêrê.