Bajarê Dusseldorfî yê Almanya de serkêşîya Têgêrayîşê Cinîyan ê Kurdan ê Ewropa (TJK-E) û Kongreya Komelê Demokratîkî ya Kurdîstanijanê Ewropa (KCDK-E)  de bi şîarê ''Vera hêrişê dewleta tirke û şuxulnayîşê çekanê kîyewîyan Kurdîstanî Bipawê'' rayraşîyayîş û mîtîng ameyî kerdene.

Rarayîşîyayîşo ke saete 12:00 de meydanê Gragos-Adolf-Platzî de dest pêkerd bi des hezaran kesî tewrê ci bîyî. Merdişanê şehîdan vernîyê rayraşîyayîşî de cayê xo girewt. Rêza diyînî de zî kurdîstanijanê ke  kincê ke çekanê kîyewîyan ra pawenê kerdî piray ke bale biancê hêrişanê kîmyewîyan ser ameyî cakerdene. Hunermendê kurdan zî pê deyîranê xo tewrê çalakîye bîyî.  Şar pê sloganan xoverdayîşê gerîlayan selam kerd û hêrişê îşxalî yê dewleta tirke û hemkarê ci şermezar kerdî.

Badê rayraşîyayîş meydanê Rheinparkî de mîtîng ame kerdene. Mîtîng pê Marşê neteweyî yê kurdan Ey Reqîpî dest pêkerd. Ciwanan beyraqê KCK û posterê Rayberê Şarê Kurdî Abdullah Ocalanî akerdî.

Mîtîng de hêver Hemserekanê KON-MEDî Zubeyde Zumrut û Engîn Severî qisey kerd. Zumrute vat: ''Zap xover dano, Rayber Apo xover dano ma zî Dusseldorfî ra înan rê selamanê xo şawenê.'' Severî zî vist vîrî ke Almanya çekanê  kîmyewîyan dana Tirkîya û a zî vera kurdan şuxulnena û vat: ''Şarê kurdî hemkarîya şima qebûl nêkeno. Îradeyê şarê Kurdî Rayber Apo yo, Zap o, gerîla yo. Coka ma vanê  bijî Serok Apo, bijî berxwedana gerîla.''

Dima ra nuştox û Dr. Michael Wilkî qisey kerd. Wilkî bale ante serê bi seyan doman û sîvîlanê ke hêrişanê dewleta tirke de ameyî qetilkedene ser û vat: '' Nika wazenê hêrişê îşxalî hîra bikerê. No terorê rejîmê Erdoganî yo.''

Reyna xeylêk sîyasetmedaranê  welatanê bînan zî sey dostanê kurdan vera hêrişê dewleta tirke û bêvengîya Ewropa nêrazîbîyayîş moja û mesajê paştdayîşê kurdan dayî.

Bi nameyê KCDK-E  û YJK-E qiseykerdişî ameyî kerdene û bale ameye antenê hêrişê vera Kurdîstanî û îxanetî ser û bêvengîya welatanê Ewropa zî ameyî şermezarkerdene. Reyna xeylêk sîyasetmedaranê bînan ê kurdan zî vera hêrişan hêrsê xo ard ziwan  û bale ante muhîmîya yewîya kurdan ser.

Hunermandanê TEV-ÇANDî zî bi deyîranê xo yê şorişgêran reng da çalakîye.