Tepişteyê Zîndanê Îzmîrî Mehmet Salîh Fîlîz 23 serre yo pê kanserê roqilan, helîyayîşê esteyan û tuberkulozî kewt. Fîlîzî rewşa weşîye ya xo keyeyê xo reyde pare kerd ke 1ê hezîrane de rixmo ke ey nêwaşto şoro, pê zorî wedarîya nêweşxaneyê qeza.

Fîlîzî vat: ''Nêweşxaneyê qeza de beşê gastroentrolojî de doktor çin o. Doktorê nêweşxaneyî zî mi reyde eleqedar nêbenê. Seba ke raporê min ê heyetî pozîtîf bo ez berda nêweşxane. Doktorî vat gereka ez bêra veradayene. Dima ke doktorî rê telefonêk ame nişka ra fikrê xo vurna. Nêweşxaneyî ra dima ez zîndan de odayêka xirabe de gêrîya binê karantîna. Oda de kokimêk mi reyde karantîna de yo. Gardîyanan vat kokim do hetkarîya mi bikero la o nêeşkeno biewno xo. Ez reyna xo ra şîya la kokim nêeşkîya çîyêk bikero. Karantîna de şertê hîjyenî çin ê, eke çew vengê mi nêeşnawo ez do bimira.''