Eke Tirkîya agahîyanê malîyan nêda do bikewa lîsteya reşe
Rixmê peymane zî Tirkîya agahîyê malî nêdayî 6 welatanê Ewropa. Eke Tirkîya mîyanê 6 mengan de agahîyan nêda do bikewa lîsteya reşe ya welatanê ke bace wenê.
Goreyê Peymana Transferîya Agahîyanê Otomotîvî welatê OECDyî agahîyanê xo yê malîyan pare bikerê. Semedo ke Tirkîya agahîyî pare nêkerdî mabênê Yewîya Ewropa (YE) û rejîmê Anqara de krîz virazîya.
Tirkîya 2018 de seba parekerdişê agahîyan rayêk wext waştbi. La hema zî agahîyî nêresayî destê dezgehî.
Kombîyayîşê wezîranê ekonomî yê YE de mesele bîye rojdem. Wezîran rejîmê Erdoganî hîşyar kerd û da zanayene ke eke Tirkîya vera werdişê bace mesuldarîyanê xo nêara ca do bikewa lîsteya reşe. Eke Tirkîya heta hezîrane agahîyan pare nêkera êlule de mesele do reyna biba rojdem û teşrîna verêne de zî Tirkîya do debikewa lîste.
