Hêriş û şeranê dewleta tirke yê vera kurdan û teberê welatî ekonomîya Tirkîya serûbin bîye. Ekonomînas Ramazan Tunçî derheqê polîtîkaya ekonomî ya dewleta tirke de ANFyî reyde qisey kerd.

Tunçî da zanayene ke Tirkîya serra 2015î ra nata mîyanê krîzêkê ekonomî de ya la no krîz serra 2017î ra dima beno giranêr. Tunçî vist vîrî ke serra 2017î de hukmatî vatişê 'krîzî' qedexe kerd û analîzê raştikênî zî sey 'vatişanê nîyetxiraban' yenê pênasekerdene.

Tunçî vat: ''Krîz bi 'nimitişî' nêno çareserkerdene. Erjê dowîzî, hûmara bêkarîye, stokê deynan ra hukmat hînî nêeşkeno krîz binimno. Hînî xîret kenê ke medyaya komelkîye ser o krîz binimnê. Bi nê hawayî bi şerê Lîbya û Sûrîye, bi geşkerdişê alozîya Dengizê Sipî kenê. Nika 8 mîlyon kesî bêkar ê. Serebûtê sîyasetê teberî û polîtîkayê şaşî yê hukmatî seba nimnayîşê nê krîzî yê. 

Hukmat hînî meseleya kurdan de gamanê şerî, teda û hêrişkeran erzeno. Serra 2015î de  wexto ke pêvînayîşê Îmraliyî qedîyayî ameyeyê Tirkîya 250 mîlyar dolar kêmîya. Eke şima meseleya kurdî bi polîtîkaya şer û asayîşî biercnê ganî malîyetê ney ser o zî bifikirê. No malîyet yeno manaya qijbîyayîş û kêmbîyayîşê ekonomî, kar û berardişî. Dewleta tirke xîret kena ke bi şerî krîzê ekonomîkî mîyan bikera. Nîşaneya ney o tewr eşkera zî hêrişê vera Başûrî yê.

Çareserîya meseleyanê ekonomîkan bi çareserîya meseleyanê sey meseleya kurdî bi metodanê demokratîkan bena.''