Rayberê Şarê Kurdî Abdullah Ocalano ke 27 serrî yo binê tecrîdê giranî de yeno tepiştene 44 mengî yo tira xebere nîna girewtene. Vera sîstemê qirkerdiş  û îşkenceyî yê Îmraliyî yê dewleta tirke 10ê teşrîna verêne ya 2023yî Hemleya ''Ocalanî rê azadîye, meseleya kurdan rê çareserîye'' dîyaye destpêkerdene ke heme dinya de yena rayraberdene.

Komeleya Fonti di Pace (Çimeyê Haştîye) ya Îtalya zî paştî dana Hemleya Azadîye. Sereka Komeleya Fonti di Pace Eleonora Bonaccorsi ANFyî rê derheqê sîstemê îşkenceyê Îmraliyî û muhîmîya fîkranê Abdullah ocalanî de qisey kerd.

Eleonora Bonaccorsi tecrîdê Îmraliyî sey sîstemê îşkenceyê xidarî erjna û vat:  ''Çîyo sey nê tecrîdî dinya de çîn o. Ma pêro berpirsîyarê nê  şertan ê ke Abdullah Ocalan tede yo. Bitaybetî Îtalya berpirsîyar a. Îtalya ganî na berpirsîyara xo dir bêro têrî. Ma sey komele rewşa Abdullah Ocalanî nizdî ra teqîp kenê. Ez Parlamentoyê Ewropa de derheqê na babete de tewrê xeylêk kombîyayîşan bîya.  Dezgehê Ewropa semedê menfeatê xo bêveng manenê. Ganî ma sey şarî vera tecrîdî bivejîyê.''

Eleonora Bonaccorsi bale ante muhîmîya fîrkranê Ocalanî ser û nê vatî: ''Paradîgmaya Ocalanî raşta zî zaf muhîm a. Xeylêk probleman ê ke ewro ciwîyenê, gena dest û alternatîf û çareserî teqdîm kena. Ma sey komele wayîrê paradîgmaya Ocalanî vejîyene û cehd kenê ke bidê ciwîyayene. Reyna ma hetê ekonomî ra zî paştî danê projeyanê ke na paradîgma vila kenê. Ocalan raştîyêk a, ma nêeşkenê raştîye înkar bikerê.  Ganî ma semedê azadîya ci têkoşîn bikerê.  Ma nêeşkenê şertanê Ocalanî rê çimanê xo biqefilnê. Ganî ma semedê azadkerdişê raştîye têkoşîn bikerê.''