3ê temmuze de vera Kongreya Îslamê Demokratîkî (DÎAY-DER) û Komeleya Alîmanê Dînî (DÎAY-DER) operasyon amebi kerdene û 9 alîmê dînî ameybî destbendkerdene. Dima Hemserekê DÎAY-DERî Ekrem Baran zî tede 9 kesî tepişîyabî. 

Nûştox û îlahîyatnas Îhsan Elîaçikî mesele ANFyî rê ercnaye. Elîaçikî da zanayene ke pê bahaneya wendişê xutbeyê kurdkî tepişîyayîşê 9 alîman nêno qebulkerdene.

Elîaçikî vat: ''Pê persa 'Şima çira bi kurdkî xutbe wanenê' kamyew sûc yeno qestkerdene? Qanûnan de çîyo winasên çin o. Mabênê tirkî û kurdkî de qet yew ferq çin o. Yew eleqeyê nê kerdişî bi Îslamî çin o. Wexto ke serdestî vanê 'Şima nêeşkenê bi kurdkî xutbe biwanê' Îslam binpay kenê.''

Elîaçikî da zanayene ke tepişîyayîşê alîmanê dînî zulm û nîjadperestî yo û vat: ''No yeno a mana ke vîrkerdişê ziwanî. No heqwerdiş o û û ne dîn de ne zî qanûn de cayê ci çin o.''