Emîne Şenyaşara ke mêrde û di lajê ci hetê pawitoxanê Wekîlê AKPyî yê verênî Halîl Îbrahîm Yildizî ra ameybî qetilkerdene verê Wezîrîya Edaletî de lajê xo Ferît Şenyaşarî reyde Nobeta Edaletî rê dewam kena.

Dayîke Emîna roja 54ine ya çalakîya xo de seba ke lajê ci Fadil Şenyaşar bîlasebeb tepişîyeno nêrazîbîyayîşê xo mojna. Dayîke Emîne venga pêro dadîyan da ke wa paştî bidê ci.

Dayîke Emîne bale ante ser ke edalet nêno caardene û waşt ke wa lajê ci vera bidîyo. Dayîke Emîne vat: ''Çîyê bi nameyê mehkeme û edaletî nêmendo. Lajê min o bêsûc zîndan de yo la êyê sûcdarî teber de yê. Ma ancî fitarê xo tîya de kerd. Ez wazena ke wa pêro dadîyî paştî bidê mi.''

Keyeyê Şenyaşaran fitarî ra dima agêra Meclîsî.