Emîne Şenyaşara ke verê Edlîyeya Riha de nobeta edaletî gêna seba keew ewro zîndan de lajê xo Fadil Şenyaşar do zîyaret bikera Ferît Şenyaşar têna roja 52. de nobete rê dewam keno.

Emîne Şenyaşar 3 mengan ra dima reya verêne Fadil Şenyaşaro ke hêrişê keyeyê Yildizî ra sey birîndar xelisîya Zîndanê Xarpêtî de zîyaret bikera.

Keyeyê medyaya dîjîtale de wina vat: ''Şima di lajê ci û mêrdeyê ci nêweşxane de qetil kerdî. Qîm nêkerd; şima tedaya muhakemekerdişî kerd û lajê ci yê bînî rê cezaya zîndanî ya 37 serran û 9 mengan daye. Fadil Şenyaşar 3 serrî yo hucreyê yewkesî de tepişîyeno, dadî ewro şina zîyaretê ci. Nobeta ma ya edaletî roja 52. de dewam kena.''

Keyeyî medyaya dîjîtale de mesajê corînî reyde no vidoeyo ke tede dayîke Emîne qisey kena pare kerd: ''Ez do şora hetê lajê xo Fadilî. Lajê mi 3 serrrî yo hucreyêk de tepişîyeno. Ma maruzê zulmêkê pîlî mendî. Ya homa ma no zulm qebul kerd la ti qebul meke.'' 

Ferît Şenyaşar serê sibayî şi verê Edlîyeya Riha û dest pê nobeta edaletî kerd.