Emîne Şenyaşara  ke mêrde û di lajê ci hetê pawitoxanê Wekîlê AKPyî yê verênî Halîl Îbrahîm Yildizî ra ameybî qetilkerdene, lajê xo Ferît Şenyaşarî reyde verê Wezîrîya Edaletî de Nobeta Edaletî kena.

Ferît Şenyaşarî ard ziwan ke ê do siba şorê pêvînayîşê birayê xo Fadil Şenyaşarî û vat: ''Eke roniştiş de birêka edîlane nêvejîya ma do bi destekêkê xurtêrî tîya de çalakîya xo rê dewam bikerê.

Emîne Şenyaşara ke roja çarine de zî fitarê xo verê Wezîrîya Edaletî kerdo, dîyar kerd ke heta ke lajê ci vera bidîyo a do çalakîya xo rê dewam bikera. Emîne Şenyaşar vat: ''Ez pêro dadîyan ra paştdayîşî wazena. Êyê sûcdarî teber de yê la lajê mi tepişte yo.''

Şenyaşaran dima ke endamanê OHDyî reyde fitarê xo kerd û pare kerd ke ê do seba roniştişî şorê Meletî.