Roja 297. ya nobeta edaletî ya Keyeyê Şenyaşarî de le verê Edlîyeya Riha de dewam kena, Endamanê Şubeyê Amedî yê Egitim-Senî keyeyê Şenyaşarî zîyaret kerd.

Hemserekê Şubeyê Amedî yê Egitim-Senî Zulkuf Guneşî îfade kerd ke hema zî derheqê serebûtî de tehqîqat yan zî dewa nêameye akerdene û vat: ''Na bêhuqûqîye vurîyaye karêkê rûtînî. Ganî mesuldarê nê qirkerdişî hesab bidê. Heta ê çaxî keyeyê Şenyaşarî rê paştdayîşê ma do dewam bikero. Ma do nê serebûtî teqîb bikerê.''

Guneşî da zanayene ke ê do hetê keyeyî de bibê. Ferît Şenyaşarî zî kedkaranê perwerdeyî rê sipas kerd.