Şaredarîya Colemêrgî ya ke hetê DEM Partî ra ameyêne îdarekerdene 3ê hezîrane de ameye xespkerdene, Hemşaredar Mehmet Siddik Akiş ame tepiştene û cezaya 19 serran û 6 aşman dîyaye ci.

Endamanê melîsê şaredarîya Colemêrgî yê DEM Partî banê partî de ameyî pêser. Kombîyayîş de îdareyo  xespkar red kerd û Vîyane Tekçe sey wekîlsereka şaredarîye vîjna. Kombîyayîş de deklarasyonêk ame vilakerdene ke tede ame vatene ê do wayîrê îradeyê şarî bivejîyê, xizmetê şarî bikerê û têkoşînê xo bidomnê.