Emîne Şenyaşara ke di laj û mêrdeyê ci hetê pawitoxanê wekîlê AKPyî yê verênî Halîl Îbrahîm Yildizî ra kişîyabî çalakîya xo ya Nobeta Edaletî berde verê Wezîrîya Edaletî. Dayîke Emîne Şenyaşar roja 52ine de çalakîya xo rê dewam kerd. 

Emîne vizêr fitarê xo verê wezîrîye de kerd.

Endamanê Komeleya Huqûqnasan a Seba Azadîye (OHD) Sîpan Cizrelî û Umît Bozanî Emîne Şenyaşar zîyaret kerde. Fitarî ra dima keyeyê Şenyaşarî derbazê Parlamentoyê Tirkîya bi.