Veysel Filizo ke wexto ke serseferîya Brukselî yê dewleta tirke de wezîfe kerdêne seba ka MÎTî rê xexbityeno Belçîka ra ame teberkerdene, hela ke 100 kg eroîn berdêne Ewropa ame tepiştene.
Veysel Filizo ke wexto ke serseferîya Brukselî yê dewleta tirke de wezîfe kerdêne seba ka MÎTî rê xexbityeno ame Belçîka ra ame teberkerdene, hela ke 100 kg eroîn berdêne Ewropa ame tepiştene.
Veysel Filizî Ewropa de bi serran o xebatê lobî yê rejîmê Erdoganî kerdêne. Medyaya şerî ya îqtîdarî de tim sey ''pîsporê polîtîkaya teberî'' ercnayîşî kerdêne. Filiz bi talîmatê Erdoganî serseferîya Brukselî yê dewleta tirke de sey muşavîrê çapemenî ame wezîfekerdene. Karê Filizî yo esasî sere de kurdî derheqê muxalîfanê rejîmê Erdoganî de zanayîş arêdayîş bi. 2017î de polîsê Belçîka tesbît kerd ke hesabê Yildizî ra muxalîfê ke teberê Tirkîya de ciwîyene ameyî tehdîtkerdene û semedê îfadeyî venga ey da. No mabenê Anaqara û Brukselî de bi sebebê krîzî û Filizî lezabeze Tirkîya de nefes girewt.
Veysel Filizo ke hetêkî ra grûbê faşîstî rêxistin kerdêne hetê bîrî ra eroîn kiriştêne Ewropa 9ê kanûne de serê sûcî de ame tepiştene. No xeylêk wext çapemenî ra ame nimtene. Dekewtişê Bulguristanî de bagajê wesayîtê Yildizî ra 100 kg eroîno ke erjê ci 5 mîlyon Ewro keno, ame destfînayene. Veysel Filiz ame tepiştene.
1970 ra nata rejîmê dewleta tirke mabênê Ewropa û Tirkîya de bazirganîye kundoxî kenê. Karê kundoxî ke serranê 90an de ekîbê Demirel û Çillere rayraberdene ewro hetê rejîmê AKP-MHPyî ra yeno rayraberdene.
