3yê hezîrana 2022yî de sereştişê vera Komeleya Teqîbkerdişê Koçberîye (Goç Îz-Derî) û xeylêk adresan de 23 kesî ameybî destbendkerdene û nînan ra 17ê ci tepişîyabi, 6ê ci zî bi şertê kontrolê edlîyî vera dîyabî.

Dewaya vera endamanê komele 13, 14 û 15ê kanûne de dest pêkena. Avûkat Ahmet Baran Çelîkî derheqê babete de cewab da persanê ANFyî.

Avûkat Çelîkî derheqê îdîaname û sûcdarîyan de vat: ''Hêverî derheqê kitab û raporanê Goç Îz-Derî de bira qedexekerdişî û arêdayîşî ameye dayene. Hetê bînî ra bi xeberanê rojnameyanê Sabah, Hurriyet, Yenî Şafak, A haber û tay organanê bînan kampanyaya reşkerdişî ameye kerdene. Ame îdîakerdene ke komele dezgehanê teberê welatî ra fon girewto, dayo rêxistine û endamanê rêxistine. Ame îdîakerdene ke no zî bi Raporê Masalî eşkera bîyo.''

Avûkat Çelîkî ard ziwan ke Raporê Masakî de agahîyêka ke sey sûcî bêra hesibnayene çin a û vat: ''Nê raporî de ca dîya 29 transferanê pereyan. La nê pereyî îlegal nîyê; makbuzê înan est ê. Oyo ke bi esasî sey sûcî yeno hesibnayene raporê komele yê.''

Çelîkî venga rayaumûmîye da ke wa dewa teqîb bikera.