Tim Engelso ke şaristanê Dusseldorfî yê Almanya de pê avûkatî û pawitoxîya heqanê merdiman şinasîyeno bêvengîya welatanê Ewropa ya vera tecrîdê Îmraliyî û girîngîya azadîya Rayberê Şarê Kurdî Abdullah Ocalanî ANFyî rê ercnayî.

Engelsî vist vîrî ke Komîteya Vergirewtişê Îşkenceyî (CPT) babeta sîstemmê tecrîdî û îşkenceyî yê Îmraliyî de muxatab o labelê no dezgeh têna pê wezîfeyê şêwirmendîye têgêreno. Engelsî wina babete ercnaye:

''Birê Konseya Ewropa Tirkîya eleqedar kenê ke Tirkîya endamêka Konseya Ewropa ya. La eke Konseya Ewropa rixmê hîşyarîyanê CPT û biranê Mehkemeya Heqanê Merdiman a Ewropa tênêgêra sebebê ci têkilîya leşkerî û bazirganîye ya bi Tirkîya ya.Heman wext de ganî peymana serê multecîyan a Yewîya Ewropa zî ney bizêdîna. Terso tewr pîl o yo ke Tirkîya pê têgerayîşanê xo na peymane bivisna binê tehlukeyî.''

Engelsî pare kerd ke azadîya Abdullah Ocalanî aramî û azadîye do bîyara herême û vat: ''Goreyê mi na azadîye tewr zaf  xoîdarekerdiş, azadîya cinîyan, konfederalîzmê demokratîkî yê koemlê ekolojîkî rê fayde bikera.''

Tim Engelsî bale ante ser ke adirbirnayîşo verên serra 1993 de ra heta prosesê Osloyî, prosesê çareserîye û haştîye yê Îmraliyî abdullah Ocalanî sena haştîye gamî eştî û vat: ''Bêguman qedînayîşê şerî û destpêkerdişê prosesê çareserîye destê ci de yê. Rolê Abdullah Ocalanî sey  rolê Nelson Mandela, Gerry Adams, Yaser Arafat, Arnaldo Otegi û Carles Puigdemontî hesibna ke înan zî prosesanê çareserîye de rolî kay kerdî.''

Engelsî îfade kerd ke fikr û berhemê Abdullah Ocalanî têna tesîrê têgêrayîşê azadîye yê kurdan nê tesîrê Rojhelatê Mîyanênî bi taybetî tesîrê şaranê bindestan kenê. Engelsî vat: ''Coka Abdullah Ocalan zîndan de tecrîdkerde yo. Çunke dewleta tirke terefgîra haştî û çareserîye nîya.''