Serrgêra 23. ya Komployê Mîyanneteweyî yo ke şexsê Rayberê Şarê Kurdî Abdullah Ocalanî de vera şarê kurdî ame kerdene de welatanê cîya cîyayan ê dinya ra enternasyonalîstî do bêrê têhet. Rayraşîyayîşo ke semedê azadîya Abdullah Ocalanî yeno kerdene do 6ê sibate de dest pê bikero û 11ê sibate de biqedîyo.

Rayraşîyayîşo ke welatanê sey Kolombîya, Birzilya, Ekvator, Meksika, Ispanya, Welatê Baskî, Katalonya, Îtalya, Swîsre, Almanya, Belçika, Awusturya û Iskandînavya ra enternasyolanîstî tewrê ci benê Frankfurtî ra ver bi Saarbruckenî do bêro kerdene.

Enternasyonalîstan bi eşkerayîyêke derheqê çalakîya xo de zanayîş da. Eşkerayîye de ame vîrvistene ke adara 2021î ra nata Rayberê Şarê Kurdî Abdullah Ocalanî ra xebere nîna girewtene û ame vatene ke  fîkrê Abdullah Ocalanî têna semedê kurdan nê semedê heme şaranê dinya muhîm ê. Entenasyonalîstan bale ante kampanyayanê ke semedê azadîya Rayberê Şarê Kurdî yenê rayraberdene ser û vat: ''Felsefeya Abdullah Ocalanî têna semedê Rojawan û koyanê Kurdîstanî nê semedê her cayo ke tede krîzî estê de hewce kena. Coka ganî bêrê Îmraliyî bêrê akerdene û tecrîd bêro şikitene.''

Enternasyonalîstan derheqê çalakîya xo de des ziwanan ra sîteyêkê înternetî akerd û semedê kesanê ke wazenê tewrê çalakîye bidê, adresê [email protected] pare kerd.

Programê rayraşîyayîşî wina yo:

5ê sibate (şeme): Frankfurt de têhetameyîş

6ê sibate (yewşeme):  Frankfurt-Darmstadt rayraşîyayîş, saete 10 de do Hauptwache bêro destpêkerdene.

7ê sibate (dişeme): Darmstadt- Bensheim

8ê sibate (sêşeme): Weinheim-Mannheim, semedê Bêrîvane û Ronahî aktîvîteya yadkerdişî.

9ê sibate (çarşeme): Ludwigshafen-Bad Durkheim

10ê sibate (pancşeme): Homburg-Saarbrucken

11ê sibate (îne): Saarbrucken,şan aktîvîteya konserî

12ê sibate (şeme): Semedê  nawnayîşê merkezî çalakwanî do şirê Strasbourg.