Bi wesîleya serrgêra 23. ya Komployê Mîyanneteweyî yê vera Rayberê Şarê Kurdî Abdullah Ocalanî Frankfurtî ra ver bi Strasborgî Rayraşîyayîşo Derg yeno kerdene.

Rixmê qedexeyê polîsanê almanî yê vera alayan û posteranê Abdullah Ocalanî rayraşîyayîş roja dîyine de bi coşî dewam keno. Seba ke yeleganê çalakwanan ser o fotografê Abdullah Ocalanî estê polîsan waşt rayraşîyayîşî bidê vindarnayene. Çalakwanan nêrazîbîyayîş mojna.

Vizêr badê rayraşîyayîşî çalakwanî Merkezê Kulturî yê Darmstadtî de ameyî têhet kombîyayîş kerd û roja xo ercna. Seba ke rayraşîyayîş bi weşîye ravêro heşt komînî ameyî ronayene. Nê komînî do her şewe derheqê kêmayîyanê rayraşîyayîşî ser o muneqeşe bikerê ke probleman hal bikerê.

Roja dîyine ya çalakîya de hûmara çalakwananê zêdîyaye û biye 150. Katalonya, Bask, Fransa, Swîsre, Belçîka, Îspanya, Almanya, Îskoçya, Îngîlîstan, Morako, Danîmarka, Brezîlya, Meksîka, Kolombîya, Ekvador, Amerîka, Hollanda, Çîn, Îrlanda û Ermenîstaîî ra enternasyonalîstî rayraşîyayîş de ca genê.

Çalakwanî ver bi bajarê Benshaimî rayra şinê. Şewe do tîya bimanê û siba ver bi Weinheim-Mannheimî rayra şirê.