Endamê Meclîsê Partîye yê HDPyî û avûkat Dogan Erbaşî derheqê Komployê Mîyanneteweyî û tecrîdê Îmraliyî yê vera Rayberê Şarê Kurdî Abdullah Ocalanî de ANFyî rê qisey kerd.

Erbaşî da zanayene ke sîstemê îşkence û tecrîdî yê Îmraliyî 24 serrî yo dewam keno û vat: ''Ewro Îmrali de pêvînayîş nêno kerdene. Avûkatan muracatê Neteweyanê Yewbîyayeyan, Mehkemeya Heqanê Merdiman a Ewropa kerd û CPTyî kerd. Eşkera yo Komployoo Mîyanneteweyî ho dewam keno. Komplogeran armanc kerd ke îradeyê kurdan bişiknê la ser nêkewtî. Heta Birêz Ocalan azad nêbo çew nêeşkeno vajo komplo qedîyayo.  Ocalanî Îmrali de xoverdayîşêko pîl kerd. Paradîgmaya ekolojîke, azadîgîra cinîyan û demokratîke awan kerde. Nê hetî ra ey komplo pûç kerd.

Ocalanî ra xebere nêna girewtene la tay kesî nameyê ey ser o qisey kenê. Çepgîrî xo raştîya Ocalanî ra dûrî gênê, CHP wazeno bê ke qala Ocalanî bikero rayîrê xo ra dewam bikero. Nê nêzdîbîyayîşî bêexlaqî yê. Eke pêvînayîşî bêrê kerdene Abdullah Ocalan pê rayîrê avûkatan çira wazeno vano. Erdogan pê nê vateyanê xo yê serê Ocalanî rebenî û bêçaretîya xo eşkera keno. Dergkerdişê tecrîdî tesîrê pêro şaranê Tirkîya keno. Ganî hem muxalafeto sîyasî hem zî muxalefeto komelkî azadîya Ocalanî bivisnê rojdem.''

Erbaşî pare kerd ke Abdullah Ocalan binê şert û mercanê zehmetan de yo û ganî hînî azad bibo. Erbaşî vat: ''Ganî ma seba azadîya Abdullah Ocalanî bibê wesîleya hemleyanê neweyan.''