Bajarê Essenî yê Almanya de bi tewrbîyayîşê CÎK û dezgahanê pabestanê ci semedê yadkerdişê Şêx Seîdî aktîvîteyêke ameye kerdene.Wekîlê HDPyî yê Riha Nimetullah Erdogmuş, Şêx Mûrşîd Xeznewî, Mele Muhyeddin, Mele Şafî, Tornê Şêx Seîdî Hasan Basrî Firat, Mele Eşref, Serekê CÎKî Hafiz Ahmet Turhali, Hemserekê KCDK-E Yuksel Koç, nuştox û huqûqnas Serhat Bucak bi seyan kesî tewrê ci bîyî.

Têhetameyîş de hêrişê îşxalî yê dewleta tirke yê vera Kurdîstanî, hêrişê qirkerdişê sîyasîyî  gerîyayî dest û bale ameye antene muhîmîya têkoşînê neteweyî yê Kurdîstanî û hîsgêrîya vera hêrişan ser.

Hasan Basrî Firatî ard ziwan têkoşînê wextê Şêx Seîdî semedê Kurdîstanî bi û vat: ''Çi heyf ke sey ewro pê xayînîye qedîya. Ma do nê têkoşînî bidê domnayene. Dewaya ma ya neteweyîye xîyalê Şêx Seîdî bi.''

Nimetullah Erdogmuş zî vat: ''Şêx Seîd yew alîmbi ke têgêrayîşêkê komelkîyî da destpêkerdene. Wextê Yavuz Sultanî de kurdan ra hetkarîya yena waştene. Osmanîyî bado ke bi paştdayîşê kurdan ser kewnê sozê ke dayê kurdan xo vîra kenê û çim verdenê destkewteyanê kurdan. Tîya reyna xayînîya zereyî û İdris-i Bitlisiyî vejîyena werte. Serranê 1639an de bi Pêkerdişê Kasr-ı Şirinî  Kurdîstan mabênê Îran û Osmanîyan de yeno barkerdene. Herra ma de tim îşxal bibi. Vera îşxalî têgêrayîşê cîya cîyayî ameyî ronayene. Serewedaritişê Şêx Seîd zî nê têgêrayîşanê komelkîyan ra yew bi.  Ma sey HDPyî sîstemê înkarî yo ke Lozanî ra heta roja ma ameyo qebul nêkenê. Hinda hêzê ma est o sey verî çew nêeşkeno kurdan bişuxulno.''

Reyna tewrbîyayîxanê bînan zî derheqê Seredaritişê Şêx Seîdî qisey kerd, bale ante muhîmîya têkoşînî ser û vat ê do rêçê Şêx Seîdî de erd û ercanê xo bipawê. Hozan Aydinî zî bi deyîranê xo reng da têhetameyîşî.