CHPyî dima ke Şaredarîya Esenyurtî rê qeyûm amebi tayînkerdene Nobeta Demokrasîyî dabî destpêkerdene. Nobete roja 5ine de dewam kena.

Heyetê CHPyî yo ke Hetkara Serekê CHPyî Gulşahe Denîz Atalar, Parlamenterê CHPyî Yuksel Mansûr Kilinç, Denîz Yavûzyilmaz û Ûmût Akdoganî ra yeno pê, şi verê bînaya şaredarîye û waşt ke debikewo zereyî. La polîsan bîna girewte binê ablûqa, destûr nêda ke heyet debikewo bîna. Vera ney heyetî nêrazîbîyayîşê xo mojna. Mabênê polîsan û heyetê CHPyî de alozîye vejîyaye.

Wekîlê CHPyî yê Zonguldakî Denîz Yavuzyilmazî vera barîkatê polîsan nêrazîbîyayîşê xo mojna û vat: ''Heta weçînayîşanê herêmîyan barîkat û polîsî do tîya de bibê?''