Fermandara YJA Starî Hafîze Ozdemîr (Zîn Avesta) şaristanê Darmstadtî yê Almanya de û şaristanê Bordeauxî yê Fransa de zî Şehîd Helmet, Şehîd Dîcle û Şehîd Fîkret Şahîn ameyî yadkerdene.

Darmstadt

Fermandara YJA Starî Zîn Avesta ya ke Dêrsim de şehîd bibî, ameye yadkerdene û rojbîyayîşê aye ame fîrazkerdene. Merasîm pê deqayêkê rêzgirewtişî dest pêkerd. Nameyê keyeyê şehîdan ser o birayê Zîne Avesta M. Emîn Ozdemîrî qisey kerd û vat: ''Dadî û babîyê mi û yê embaze Zîne yew ê la Zîne kênaya kurdan a.'' KOMAWî zî da zanayene ke ê şexsê Zîn Avesta de xoverdayoxanê 14ê Temmuze zîn yad kenê.

Nameyê Têgêrayîşê Cinîyan ê Kurdan ê Ewropa ser o zî ame îfadekerdene ke Kurdîstan û dinya de doman û cinîyan rê tecawuz yeno kerdene û ganî têkoşînê vera naye bêro berzkerdene. Qiseykerdişan ra dima seba vîrameyîşê Zîn Avesta sînevîzyonêk ame mojnayene.

Bordeauxî 

Şaristan de rayberîya CDKByî de şehîd Helmet, şehîde Dîcle û şehîd Fîkret Şahîn ameyî yadkerdene. Merdimê Dîcle û Fîkret Şahînî tewrê merasîmî bîyî. Hemserekê Kongre-Gelî Remzî Kartalî merasîm de qisey kerd û vat: ''Ganî ma dişmenê xo û konseptê şerî yê dewlete hol fam bikerê. Ganî ma pê têkoşînê xo nê konseptî çin bikerê.''

Merasîm pê sloganê 'Şehîdî nêmirenî' û 'Biciwîyo Serek Apo' qedîya.