Goreyê xebera sîteyê propublica.org dewleta tirke wextê îşxalê Efrînî de Facebookî ra waşt ke parekerdişanê YPGyî asteng bikero. Serkêşê diyînî yê Facebookî Sheryl Sandbergî tedaya dewleta tirke ser o vat: ''Tîya de meseleyêke çin a.''

Rixmo ke 3 serrî vîyartî hema zî fotograf û agahîyê ke YPG weşaneno Facebookê Tirkîya de nêasenê.

Probublica îfade kerd ke qaşo Facebook azadîye îfadeyan paweno la 2018 de îşxalê Efrînî de waştişê dewleta tirke ard ca û YPG sansur kerdo.

Hetkarê Serekî yê Polîtîkayanê Umûmîye yê Facebookî ra Berpirsîyar Joel Kaplanî 26ê çeleyê 2018î de SAndberg û patronê Facebookî Mark Zuckerbergî ra e-maîlêk erşawit û da zanayene ke dewleta tirke fermanêk da ci. Kaplanî ard ziwan ke Tirkîya waşt wa Facebook keyepelê YPGyî Tirkîya de bloke bikero.  Facebookî waştişê Tirkîya ard ca.

Keyepelê  o1netî yê Fransa zî ca dabi ke Facebookî reyna xirabîye kerde. Sîte vat: ''Facebookî seba menfaatanê xo yê Tirkîya kurdê Sûrîye sansur kerdî.''