2 faşîstê ke 30 faşîstanê bînan reyde verê Zanîngehê Anqara de hêrişê ciwananê kurdan kerdbi hetê dozgerî ra bi hawayêkê lezî vera dîyayî.

Komêka faşîstan vizêr şan verê Zanîngehê Anqara de hêrişê 3 ciwananê kurdan kerd. Mîyanê hêrişkaran  de Îsa kok  û Fatîh Temel zî estbî ke verî zî bi hêrişê faşîstî ameybî rojdem.
Faşîstan verê 3 ciwanan girewt û ciwanê bi nameyê K.Y. birîndar kerd.

Îfadeyê K.Y. Amîrîya Merkezê Polîsan ê Cebecî de ame girewtene.

Îsa Kokî hêrişî ra verî cayê serebûtî ra fotografêk vila kerdo. No zî nîşan keno ke hêrişê vera ciwanan plankerde yo.

Dîya zanayene ke Îsa Kok û Fatîh Temel pê telefonî koma faşîstan a bi 30 kesan arê daya.