Fezlekeyê vera Wekîla HDPyî Semra Guzel Meclîsî rê erşawîya
Fezlekeyê vera Wekîla HDPyî Semra Guzela ke hedefê medyaya îqtîdarî de ya, Serekîya Meclîsî rê erşawîya.
Dima ke medyaya îqtîdarî Wekîlê HDPyî Semra Guzel hedef kerd ke 2014 de gerîlayê HPGyî Volkan Borayî reyde fotografî girewtî derheqê ci de fezleke amebi amadekerdene.
Vizêr fezleke erşawîyabi Serekkomarîye ewro zî fezleke resa Serekîya Meclîsî. Fezleke de Guzele bi 'endamîya rêxistine' yena sûcdarkerdene.
Wina pawîyeno ke fezleke destpêk de komîsyon de bêro ercnayene, dima zî Kombîyayîşê Pêroyî rê bêro erşawitene. Eke heqê destnêpanayîşî yê Guzele bêro wedaritene derheqê Guzele de dewa do bêra akerdene.
